牧養.
用愛心說諴實話.

愈黎愈鍾意依家班同學仔.
大家都好KAI.
對住佢地,可以好舒服,好自然咁做返自己.

炆就同你講我炆.
話原諒你就真係原諒你.
鍾意哩種感覺.
幾時都俾人睇見自己最真既一面.

想睇見人既需要被滿足.
想睇見人由悲傷變得快樂.
想睇見人由埋怨變為感恩.
想睇見神既工作發生O係唔同人既生命當中.
想睇見唔同既新臉孔O係教會出現.

每次傳福音,都帶著期待.
期待哩個新面孔繼續出現O係往後既聚會.
期待人回應對神既邀請.
期待人繼續被神改變.

期望今年會有幾位同學仔出席聖誕佈道會.

一直,好想改變現況.
其中一樣,係搬屋.

前幾日,問房署調遷既事.
答案仍係無得搞.

頭先一餐飯,同阿媽再傾搬屋既事.
發現,原來自己一直太想得到自己想要既,忘記左神總有更美好既心意.
之後既時間,要學習順服,繼續等候.

今日係勤勤浸禮.

聽見弟兄姊妹既見證.
感動,因為睇見神真實既工作.
唔需要修飾,因為當人願意被神改變,生命自然地變得美麗.

夜晚返復興.

享受今晚既敬拜.

對神全然順服,一個唔簡單既要求.
不過當人願意順服,就開始神點為人開路.

哩個星期好開心.
因為我知道自己做緊乜,亦都享受自己做緊既每件事

如常既一晚小組聚會.

自己帶遊戲,帶得相當爛.
值得感恩既係大家都投入去玩.

敬拜,可以自由去敬拜,好舒服.
渴慕您,單純地倚靠您.

分享,用好短既時間分享講壇題目,剩低既時間,大家講自己想講既野.
感覺上,整個流程好唔順暢,但我享受咁坦白,簡直,直接既分享.
放低技巧,用心講自己想講既說話,唔知有咩事情會發生,哩一刻清楚知道既係,只有等候神既工作.
唔需要答聖經提供既MODEL ANSWER,只需要分享真實既體會.我鍾意咁既小組分享.

為魚仔慶祝生日.
生日蛋糕/卡/禮物都齊,但送漏左一份驚喜.

三組人去潮館食飯,15個人迫迫地坐一圍枱.
細古既爛GAG真係無從招架,跟住阿軒又一個GAG,肥森又一個GAG,其實大家都係咁KAI.
嘿嘿哈哈,好輕鬆好享受哩一餐飯.

一大班人出街食飯,好怕自己唔識大體,或者講錯說話而失禮,所以由點菜到埋單,可以既話都唔亂發表意見.除左食飯,唔同場合唔同處境都有同樣既問題.
不過開始發現咁樣唔係辦法,要似返個男仔,唔可以每次都等其他人做決定.
開始改變心態,去相信自己有能力做決定.
一兩件小事做錯決定,對大家影響唔大,厚住面皮混過就可以啦..

後生,最大既本錢.
難得輸得起,亂衝亂撞又如何.
面皮要厚D.
要把握每個機會,擴闊自己既視野.

報左IVE既學生大使.
希望可以選中啦!!

解決唔到既問題.
一於交俾神處理.

再次提醒自己,
每日都要開心地過.

面對再大既問題,
仍然要識得笑.

每日都有值得快樂既理由.
有一班能夠講心事既朋友;
做到自己鍾意做既事;
食到自己鍾意既食物;
租VCD,睇自己一直想睇既戲;
聽MP3,播自己鍾意既歌;
返到屋企,眼訓,可以攬住枕頭大覺訓.
快樂,就係咁簡單.

有好多野等住自己去做.
做之前,提醒自己要開心地做.

下個WEEK開始TEST.
一個小小既願望,一個簡單既目標,
考好個試,然後計劃一個離島半日遊,享受一日假期